Moynaq rayonı Politexnikumında mine usınday súren astında ruwxıy-aǵartıwshılıq ilajı bolıp ótti. Ilajda ana tilimizdiń ullılıǵı, onıń biybaha ekenligi ayrıqsha atap ótildi.
Ilaj dawamında oqıwshılar ana tilimizge baǵıshlap qosıqlar oqıdı, saxnalıq kórinisler kórsetti, milliy qosıqlar atqardı. Til haqqındaǵı hikmetli pikirler, babalarımızdıń miyrası bolǵan naqıl-maqal hám sózler kewillerge kóterińki keypiyat baǵıshladı.
Ana tili – millettiń ruwxı, onıń tariyxıy yadı hám keleshegi. Onı qásterlep saqlaw hám keleshek áwladlarǵa qanday gózzal tárizde jetkeriw – bárshemizdiń muqaddes minnetimiz.
